6 мая старт акцыі быў дадзены на агульнашкольнай лінейцы «Жывая памяць». 

У гэты дзень ва ўсіх класах прайшлі тэматычныя інфармацыйныя гадзіны. Самыя малодшыя школьнікі даведаліся пра цяжкі лёс дзяцей вайны, вучні сярэдняга звяна ўзгадалі жудасныя старонкі генацыду беларускага народа, а старэйшакласнікі абмеркавалі кошт Перамогі і ўклад сваіх землякоў у вызваленне малой Радзімы.

7 мая эпіцэнтрам падзей стала Братняя магіла ў аграгарадку Горы. Падчас мітынгу-рэквіема «На варце памяці» вучні застылі ў пачэсным каравуле, аддаючы даніну павагі кожнаму салдату. Кветкі, ускладзеныя піянерамі і моладдзю да падножжа мемарыяла, сталі сімвалам непарыўнай сувязі пакаленняў. Хвіліна маўчання аб'яднала ўсіх прысутных у адзіным парыве смутку і гонару.

Завяршылася акцыя 8 мая пад знакам адзінства і міру. Роўна а 12.00 школа далучылася да Адзінай хвіліны маўчання. Адразу пасля яе навучэнцы выстраіліся на школьнай пляцоўцы ў жывую фігуру, утварыўшы святое для кожнага беларуса слова — МІР, ПЕРАМОГА,БЕЛАРУСЬ

Мы памятаем! Мы ганарымся! Гэтая акцыя яшчэ раз даказала, што памяць пра подзвіг нашых прадзедаў жыве ў кожным сэрцы, а мір на нашай зямлі — гэта найвялікшая каштоўнасць, якую мы абавязаны берагчы.

Ссылка на видео

https://www.tiktok.com/@gory.gorki.edu.by/video/7637494355460132114?is_from_webapp=1